الموت
كلمة مفزعة توجع القلب اول ما بنسمعها
مين فينا في حياته متعرضش لموقف فيه موت
حد قريب ، صاحب ، جار ، مشهور
خبر حتي بتشوفه أو بتسمعه
ليه بنتفاجيء مع أننا كلنا عارفين انه اكتر حاجه حقيقية في حياتنا
وأنه احنا في مرحلة مؤقته بردو الموت مرحلة انتقاليه
أغلبنا بنخاف من الموت لا مش خوف بس ده رعب
وبتيجي أفكار أزاي مش هتنفس
ايه ال هحسه ساعتها لحظة الموت لحظة طلوع الروح
النفس و هو بيقف
غير وقت الحساب في القبر
طيب لما اموت هيتقفل عليا القبر والتراب هيخنقني
و ايه اللي هحس والمفروض اني مبحسش
أفكار جنونيه و معقدة تلف الدماغ
طيب لو فكرت أن كل يوم ممكن حد بحبه يموت
مش بعيد خالص لأنه طبيعي بس مش بيجي في بالنا دايما
ده من رحمة ربنا لينا عشان نعرف نعيش
ده حتي فيه ناس من كتر تفكيرها من الموت بيجلهاة وسواس
وياثر علي حياتهم ميعرفوش يعيشو يوم من غير كلمة موت في دماغهم
ومع ذلك نلاقي في ناس بتنتحر
ايه ال وصل واحد لفكرة انه يموت
ايه الي فحياته متخيله انه أصعب من الموت المجهول
للدرجة دي هانت عليه نفسه و روحه
لدرجه انه يموت نفسه
مش خايف من الموت
طب مش خايف من المجهول
خايف من ال هتشوفو فالدنيا اكتر من الموت
صعبة عليك حياتك اكتر من موتك
هو ليه الناس بتخاف من الموت و فيه ناس بتحبه
تعليقات
إرسال تعليق