هل ياتري في ثقه فالدنيا؟
هل فيه امان او تعيش حياتك وانت حاسس بالامان؟
او تلاقي حد ممكن تثق فيه؟
او تلاقي حد ماشي صح وبيتكلم صح ويقول الصدق ومبيكدبشي؟
ويستاهل ان الواحد يثق فيه؟
ليه دايما تلاقي ناس تصاحبك وتحبك عشان مصلحتهم معاك؟
واما مصلحتهم تخلص خلاص باي باي ولا اعرفك تاني
ليه دايما بتلاقي ناس تضحك فوشك ومن وراك تتكلم عليك اوحش كلام؟
طب بيجيبو منين البراعه انهم يمثلو كل دا ؟
ليه دايما بتثق فناس ويكونو كويسين معاك واما تحبهم تكتشف انك غبي وانهم اصلا ميستهلوش كل دا ؟
اسئله كتيره اجابتها صعبه
ومفيش اجابه واحده غير ان مفيش ثقه فالناس
ومحدش يثق فحد لدرجه اكبر من حدها غير لما يتأكد انو يستاهل الثقه دي
لو الناس كلهم طيبين و كويسين ماكنش بقى فى ثواب و عقاب , جنة و نار ، ماكنش يبقى فيه محاكم ف البلد !!
ردحذفبس ده مش معناه ان كل الناس وحشين
"لا تحكم على كل الناس بسبب موقف واحد من الناس"
_____________
@teef
الدنيا فيها وفيها
ردحذفومش لاوم نقابل الكويس على طول اكيد هنشوف الوحش
المهم اننا مش نسلم ونيأس
فى انتظار جديدك
وسعيد انى وجدت جد مدون من بنها
تحياتى
ايه النظره المتشائمه دى يا عزيزتى
ردحذفلازم تتحملى بكره هيجى الاصعب ولازم نعيش بنتحمل ونتعلم وبنقابل ونغفر وهكذا تلك هى الحياه
أغفر ما دمت تقدر واحب ما دمت تبصر
خليكى صلبه وربنا يقويكى اكيد هتيجى ناس تحبيهم ويحبوكى ولا هيكون بنكم غدر ولا خيانه مش كل الناس وحشه ولا كل قصة مصيرها النهايات المأساويه
تحلى بالصبر يا عزيزتى واعطى للناس مقدار معين من الثقه واتركيهم
في مثل جميل بيقول عندنا يا مصريين
من آمنك لم تخونه ولو كنت خاين
وليا طلب أرجوكى اكتبى بخط اكبر انا مش عايزه البس نضاره انا لسنه في مقتبل العمر ههههههههه الله يجازيكى كل خير
تحياتى ليكى
كلامكو مظبوط
ردحذفبس دي مش نظره تشاؤميه لان دي الحقيقه والحياه ماشيه علي كدا
وبردو لازم ناخد بالنا من اي حاجه ومنثقش فيها بسرعه
شكرا علي المرور